Reepot лазер нь нөсөө толбо, хар батганы дараах сүүдэр, пигментацийн өвчнүүдийг эмчлэх зориулалттай лазер төхөөрөмж юм. Хөргөөх технологи ашигладаг тул өвдөлт багатай, хурдан хийгддэг.

Тогтмол бус нөсөөт хэсэгт тохируулан лазерын эрчмийг автоматаар тааруулдаг. Hyper Cooling Tech гар хэсгийг ашигласнаар өвдөлт маш бага мэдрэгдэх бөгөөд өдөр тутмын амьдралдаа шууд шилжиж болно. хөргөлтийн CPTL технологи, мөн хөргөлтийн VSLS® технологи ашигладаг.

STEP1 : Үйлчилгээ хийх хэсэгт Reepot лазер хийгдэж эхэлнэ STEP2 : Үйлчилгээ хийх хэсэгт DuoDerm хамгаалах наалт наана STEP3 : Үйлчилгээний дараах анхаарах зүйлс болон арчилгааны заавар тайлбарлах

Q1. 1 удаагийн үйлчилгээгээр үнэхээр сэвх арилдаг уу? A1. Сэвхний хэмжээ, гүнээс хамааран үр дүн өөр байдаг ч, арьсны өнгөц давхаргын ихэнх сэвх нь ганц удаагийн үйлчилгээгээр мэдэгдэхүйц сайжирсан нь харагддаг. Q2. Өвдөлт эсвэл сорви үлдэх үү? A2. Шаардлагатай тохиолдолд мэдээ алдуулах тос хэрэглэнэ. Мөн нарийн төвлөрүүлсэн лазерын тусламжтайгаар эргэн тойрны арьсыг гэмтээхгүй, сорви үлдэх эрсдэлийг маш бага байлгадаг. Q3. Үйлчилгээний дараах арчилгаа чухал уу? A3. Тийм. Үйлчилгээ хийлгэсэн хэсэг бүрэн нөхөн төлжих хүртэл арьсаа сайн чийгшүүлж, нарнаас тогтмол хамгаалалтыг сайн хийх нь пигментацийн дахин үүсэх магадлалыг бууруулна.

1. Нөсөө арилгах үйлчилгээний дараа бүрэн эдгэрсэн мэт харагддаг ч, арьсны давхарга нимгэрсэн байдаг тул арьсанд өгөх цочролыг аль болох багасгах шаардлагатай. Үйлчилгээний дараа улайх шинж илэрч болно. Энэ нь арьсны хэвийн нөхөн төлжилтийн үйл явц бөгөөд хугацаа өнгөрөх тусам аажмаар цэвэрхэн эдгэнэ.
2. Наалтыг авсны дараа, эмчийн бичиж өгсөн тос байгаа бол зааврын дагуу хэрэглэнэ. (Ерөнхийдөө 2 долоо хоногийн турш өдөрт 2 удаа хэрэглэнэ)
3. Жороор бичсэн тосноос гадна EGF зэрэг нөхөн төлжүүлэх тосыг тогтмол хэрэглэхийг зөвлөж байна.
4. Сэвх нөсөө толбо амархан үүсдэг төрлийн хүмүүс эхний үед хэвийн мэт харагдах боловч эмчилгээний дараах 1–2 сарын хугацаанд түр зуурын бараантаж харагдах шинж илэрч болно. Хэрэв гарсан тохиолдолд эдгэрэх хугацаа нь 3–6 сар орчим байх ба хүн бүрд харилцан адилгүй ч аяндаа бүрэн хэвийн болно.
5. Үйлчилгээний дараа 2 сарын хугацаанд арьсанд цочрол өгөхөөс зайлсхийх. Тосон цэвэрлэгч, гүн цэвэрлэгээ, гуужуулагч, скраб, ретиноид орцтой бүтээгдэхүүнүүд нь арьсыг цочроож, нөхөн төлжилтийг удаашруулах тул хэрэглэхгүй байхыг зөвлөж байна. Сэвх нөсөө толбо амархан үүсдэг арьсны хувьд цаашид ч энэ төрлийн бүтээгдэхүүнээс зайлсхийх нь тохиромжтой.
6. Үйлчилгээний дараа 2 сар нарны хамгаалалтыг илүү сайн хийх шаардлагатай. Гадуур гарах үедээ нарны тос тогтмол түрхэж, усанд сэлэх болон удаан хугацаанд нарны дор байх зэрэг үйлдлээс арьс бүрэн эдгэртэл татгалзах хэрэгтэй.
7. Өнгөц давхаргын нөсөө ихэвчлэн 1–2 удаагийн эмчилгээгээр арилдаг ч, пигментийн гүн, төрөл байдлаас хамааран нэмэлт эмчилгээ шаардлагатай байж болно. Ийм тохиолдолд эмнэлгээ дахин ирээрэй.
8. Үйлчилгээний дараа эмнэлгээс нааж өгсөн DuoDerm наалтыг 2 долоо хоног (14 өдөр) ямар ч тохиолдолд авахгүй байх хэрэгтэй.
9. DuoDerm наалт зөөлрөх, дэвтсэн мэт болсон тохиолдолд боолтыг бүрэн хуулж болохгүй, харин дээр нь шинэ DuoDerm-ийг давхарлан наана.